ПАРАДАК абскарджання АДМІНІСТРАЦЫЙНАГА РАШЭННЯ
У адпаведнасці з артыкулам 30 Закона Рэспублікі Беларусь
«Аб асновах адміністрацыйных працэдур»
грамадзянін валодае правам на абскарджанне адміністрацыйнага рашэння ў адміністрацыйным (пазасудовым) парадку
ПАДАЧА АДМІНІСТРАЦЫЙНАЙ СКАРГІ
Адміністрацыйная скарга накіроўваецца ў вышэйстаячы дзяржаўны орган (вышэйшую арганiзацыю) альбо ў дзяржаўны орган, іншую арганізацыю, да кампетэнцыі якіх у адпаведнасці з заканадаўчымі актамі і пастановамі Савета Міністраў Рэспублікі Беларусь адносіцца разгляд такіх скаргаў (далей - орган, які разглядае скаргу).
Абскарджанне адміністрацыйнага рашэння ў судовым парадку ажыццяўляецца пасля абскарджання такога рашэння ў адміністрацыйным (пазасудовым) парадку, калi iншы парадак абскарджвання не прадугледжаны заканадаўчымі актамі.
У выпадку адсутнасці органа, які разглядаў скаргу, адміністрацыйнае рашэнне ўпаўнаважанага органа можа быць абскарджана непасрэдна ў суд.
Абскарджанне адміністрацыйнага рашэння ў судовым парадку ажыццяўляецца ў адпаведнасці з грамадзянскім працэсуальным або гаспадарчым працэсуальным заканадаўствам.
Адміністрацыйная скарга на адміністрацыйнае рашэнне, прынятае Шаркаўшчынскім раённым выканаўчым камітэтам, яго структурнымі падраздзяленнямі, падаецца ў Віцебскі абласны выканаўчы камітэт: г.Віцебск, вул.Гогаля, д.6, або ў адпаведныя аддзелы, кіраванні і камітэты Віцебскага абласнога выканаўчага камітэта, вышэйстаячыя ў адносінах да структурных падраздзяленняў Шаркаўшчынскага раённага выканаўчага камітэта.
Тэрмін падачы адміністрацыйнай скаргі
У адпаведнасці з артыкулам 31 Закона Рэспублікі Беларусь
«Аб асновах адміністрацыйных працэдур»
Адміністрацыйная скарга можа быць пададзеная ў орган, які разглядае скаргу, на працягу аднаго года з дня прыняцця абскарджваемага адміністрацыйнага рашэння.
Орган, які разглядае скаргу, мае права аднавіць тэрмін падачы адміністрацыйнай скаргі ў выпадку пропуску такога тэрміну па ўважлівай прычыне (цяжкая хвароба, працяглая камандзіроўка і інш.).