Адрас райвыканкама: 211910, г.п.Шаркаўшчына, вул.Камсамольская, 15
Тэлефон прыёмнай: (8-02154) 4 13 48
E-mail: sharkrik@vitebsk.by
Галоўная / Навіны / Навіны рэспублікі

Беларусь далучылася да Канвенцыі аб кантролі суднавых баласных вод і ападкаў

14.05.2020

Беларусь далучылася да Міжнароднай канвенцыі аб кантролі суднавых баласных вод і ападкаў і кіраванні імі, паведамляе БЕЛТА са спасылкай на Нацыянальны прававы інтэрнэт-партал.

Як паведамілі ў прэс-службе Міністэрства замежных спраў, генеральны сакратар Міжнароднай марской арганізацыі паведаміў аб дэпаніраванні 23 сакавіка 2020 года дакумента аб далучэнні Беларусі да канвенцыі, прынятай у Лондане 13 лютага 2004-га, з папраўкамі ад 13 красавіка 2018 года. Канвенцыя ўступіць у сілу для Беларусі з 23 чэрвеня 2020 года.

У канвенцыі змешчаны нормы і правілы абыходжання з баласнымі водамі і ападкамі з мэтай прадухілення пераносу непажаданых водных арганізмаў і патагенаў з аднаго рэгіёна ў іншы. У прыватнасці, яна абавязвае ўсе судны дзяржаў-удзельніц распрацаваць і выконваць план кіравання баласнымі водамі.