Адрес райисполкома: 211921, г.п.Шарковщина, ул.Комсомольская, 15
Телефон приемной: (8-02154) 6 13 48
E-mail: sharkrik@vitebsk.by
Главная / Новости / Новости района

«Дарога будзе адрамантавана» — запэўніў член Савета Рэспублкі Нацыянальнага сходу Уладзімір Матвееў

31.07.2020

Шаркаўшчынскі раён наведаў член Савета Рэспублкі Нацыянальнага сходу Рэспублікі Беларусь, генеральны дырэктар камунальнага праектна-рамонтна-будаўнічага ўнітарнага прадпрыемства “Віцебскаблдарбуд” Уладзімір Матвееў. Парламентарый правёў “прамую тэлефонную лінію” з жыхарамі Шаркаўшчынскага раёна, а таксама прыём па асабістых пытаннях грамадзян і юрыдычных асоб.

Жыхарку вёскі Баяры Германавіцкага сельсавета Вольгу Малыш турбуе пытанне адсутнасці аўтобуснага рэйса па маршруце “Шаркаўшчына-Полацк”, які раней ажыццяўляўся кожную нядзелю месяца. Начальнік Шаркаўшчынскага ўчастка ААТ АТП № 16 г. Глыбокае Аляксей Васілёнак патлумачыў наступнае. Міжгародні аўтобус па маршруце “Шаркаўшчына-Полацк” у дадзены момант ажыццяўляе перавозкі пасажыраў толькі па пятніцах. Па нядзелях пасажырапаток вельмі малы, таму з эканамічнага боку не мэтазгодна адпраўляць у рэйс транспартную адзінку.
Як паведамляла наша газета, 9 ліпеня прыём грамадзян у будынку раённага выканаўчага камітэта праводзіў кіраўнік Адміністрацыі Прэзідэнта Рэспублікі Беларусь Ігар Сергяенка. Жыхары вёсак Прамяны і Сталіца Германавіцкага сельсавета звярнуліся да яго з просьбай аб правядзенні рамонту аўтамабільнай дарогі ў напрамку з аграгарадка Германавічы да вёскі Прамяны з усталяваннем асфальта-бетоннага пакрыцця. Вырашэнне дадзенага пытання Ігар Пятровіч узяў пад асабісты кантроль.

Пасля правядзення прыёму грамадзян у будынку райвыканкама Уладзімір Сямёнавіч Матвееў разам з дырэктарам ДРБУ № 131 Вячаславам Гарбузавым накіраваліся ў Сталіцкі сельскі клуб, каб правесці сустрэчу з мясцовымі жыхарамі і вырашыць праблему рамонту дарогі да вёскі Сталіца.

Справа ў тым, што ў цяперашні момант ідзе распрацоўка рэспубліканскай праграмы “Дарогі Беларусі на 2021-2025 гады”. Генеральны дырэктар КПРБУП “Віцебскаблдарбуд” Уладзімір Матвееў запэўніў прысутных, што абавязкова будзе прынята адпаведнае рашэнне аб уключэнні рамонту дадзенай дарогі менавіта ў рэспубліканскую праграму.

Сяргей РАЙЧОНАК.