Падведзены вынікі абласных спаборніцтваў за дасягненне лепшых вынікаў на ўборцы ўраджаю зерневых і зернебабовых культур, рапсу, нарыхтоўцы травяных кармоў.
Прыемна адзначыць, што сярод пераможцаў ёсць і прадстаўнік нашага раёна. У намінацыі “Сярод трактарыстаў-машыністаў, занятых на нарыхтоўцы травяных кармоў на камбінаваных рулонных прэс-падборшчыках-упакоўшчыках” першае месца заняў трактарыст ААТ “Жвіранка” Віктар Селіверставіч Цімаееў. На трактары МТЗ-3022 у счэпе з агрэгатам “Ралант-375” ён нарыхтоўваў у стрэйч-плёнку зялёную масу.
Падзячным лістом і грашовай прэміяй шаркаўшчынскі механізатар разам з іншымі пераможцамі спаборніцтваў будзе ўзнагароджаны на абласным фестывалі-кірмашы працаўнікоў сяла “Дажынкі-2018”, які пройдзе ў Верхнядзвінску.
Андрэй БУРЭЦ.