28 красавіка ў Більдзюжскай сярэдняй школе адбыўся семінар намеснікаў дырэктараў па вучэбна-выхаваўчай рабоце. Тэма семінару «Фарміраванне маральна-эстэтычных якасцяў асобы навучэнцаў». Падчас мерапрыемства педагогі наведалі Музей кнігі, што дзейнічае ў школе, сустрэліся з рэдактарам аддзела паэзіі часопіса «Маладосць», абмеркавалі найбольш значныя ў вучэбна-выхаваўчай рабоце пытанні. У межах семінару ў гэты дзень у навучальнай установе прайшоў фінал конкурсу «Самы класны класны!», удзельнікамі якога сталі ўсе класныя кіраўнікі Більдзюжскай сярэдняй школы, а таксама іх вучні.
Вольг ЧАРНЯЎСКАЯ