13 студзеня ў Віцебску прайшлі Алімпійскія Дні па таэквандо, у якіх паспяхова выступілі двое шаркаўчан. Вучаніца 10 класа Шаркаўшчынскай СШ №1, кандыдат у майстры спорту Даша Машара ў вагавой катэгорыі юніёрак 47-52 кілаграмы заняла першае месца.
Таксама ў лідары выйшаў і дзевяцікласнік з Шаркаўшчынскай СШ №1, кандыдат у майстры спорту Іван Хвяцковіч, які выступаў у вагавай катэгорыі юніёраў 59-63 кілаграмы. Цяпер нашым чэмпіёнам, Дар’і і Івану, 26-28 студзеня трэба будзе абараняць гонар Віцебскай вобласці на рэспубліканскіх Алімпійскіх Днях моладзі, якія таксама будуць праводзіцца на Віцебскай зямлі. Так што пажадаем нашым тытулаваным Шаркаўшчынскім спартсменам новых перамог і вяртання на радзіму з медалямі.
Ігар ІВАНОЎ, трэнер-выкладчык па спорту, уладальнік чорнага пояса 3 дана