Кіраўніцтва Шаркаўшчынскага раёна накіравала віншаванні з Днём Незалежнасці Рэспублікі Беларусь і 80-годдзем вызвалення Беларусі ад нямецка-фашысцкіх захопнікаў
![](http://sharkovshchina.vitebsk-region.gov.by/images/storage/news/000525_645735.jpg)
Паважаныя шаркаўчане!
Прыміце самыя шчырыя віншаванні з 80-годдзем вызвалення Беларусі ад нямецка-фашысцкіх захопнікаў і Днём Незалежнасці - святам, якое аб'ядноўвае нас у імкненні да міру, згоды і захавання гераічнага летапісу краіны.
За гэтыя гады Беларусь пераадолела пасляваенныя цяжкасці і нягоды, зноўку адбудавала гарады і вёскі, аднавіла разбураную эканоміку, беларусы сталі паўнапраўнымі гаспадарамі на сваёй зямлі.
Мы аддаём даніну глыбокай павагі гераізму і самаахвярнасці абаронцаў Айчыны, тым, хто ажыццявіў, здавалася б, немагчымае - выдужаў, перамог і падняў з руін і попелу нашу Радзіму. Навекі ў нашай памяці застанецца вялікі подзвіг салдат і афіцэраў, партызан і падпольшчыкаў, працаўнікоў тылу, якія праявілі сапраўдную мужнасць і адвагу ў імя незалежнасці, гістарычнай праўды і міру на Зямлі.
Наша задача - імкнуцца быць годнымі іх светлай памяці. На прыкладзе жыцця сапраўдных герояў выхоўваць сваіх дзяцей і разам з імі ствараць будучыню Беларусі - суверэннай, моцнай і квітнеючай.
Дарагія сябры! Сёння на кожным з нас ляжыць адказнасць за мір і парадак у нашай краіне. Дзякуючы вашай добрасумленнай працы з кожным годам утульней і прыгажэй становіцца Шаркаўшчынскі раён. Усе разам мы імкнемся да таго, каб былі шчаслівыя і паспяховыя нашы родныя і блізкія, каб у згодзе і дастатку жылі нашыя сем'і.
У гэты светлы і радасны дзень жадаем вам моцнага здароўя, дабра, стваральнай энергіі. Няхай вашы сэрцы напаўняе пачуццё гонару за нашу цудоўную і квітнеючую Рэспубліку Беларусь!
Старшыня Шаркаўшчынскага раённага выканаўчага камітэта Д.М. Ламака
Старшыня Шаркаўшчынскага раённага Савета дэпутатаў С.Н. Арэшкаў