Старшыня Палаты прадстаўнікоў Нацыянальнага сходу Рэспублікі Беларусь, дэпутат па Палтаўскай акрузе № 29 Ігар Пятровіч Сергяенка прыняў удзел у пасяджэнні Шаркаўшчынскага райвыканкама

Як ідзе падрыхтоўка школ да новага навучальнага года, чаму ў школах і дзіцячых садах ёсць кадравы голад, ці патрэбна аптымізацыя ўстаноў адукацыі, якія напрамкі навучальна-выхаваўчай работы патрабуюць большай увагі. Гэтыя і іншыя пытанні разглядаліся на пасяджэнні Шаркаўшчынскага раённага камітэта. У гэтай нарадзе прыняў удзел старшыня Палаты прадстаўнікоў Нацыянальнага сходу Рэспублікі Беларусь, дэпутат па Пастаўскай акрузе № 29 Ігар Сергяенка.

Па інфармацыі начальніка аддзела па адукацыі Кацярыны Міхнёнак, паводле папярэдніх звестак 1 верасня 2024 года ва ўстановы адукацыі прыйдуць 1582 дзіцяці, з іх 1224 школьнікі. У раёне працуюць 6 сярэдніх школ, 6 дашкольных устаноў, цэнтр дзяцей і моладзі, сацыяльна-педагагічны цэнтр, цэнтр карэкцыйна-развіваючага навучання і рэабілітацыі, дзіцячы дом сямейнага тыпу. У бягучым годзе ліквідацыя ўстаноў адукацыі не плануецца. Кацярына Міхнёнак адзначыла праблему недахопу кадраў. У 2022 годзе ў раён прыбылi 3 маладых спецыяліста, у 2023 - 1. Цяпер існуе дэфіцыт псіхолагаў і дэфектолагаў. У бягучым годзе плануецца заключыць 5 мэтавых дагавораў для падрыхтоўкі педагагічных кадраў.

Таксама было разгледжана пытанне аб супрацьпажарнай бяспецы. Намеснік начальніка Шаркаўшчынскага РАНС Яўген Пяткевіч расказаў, пра праведзеную работу. Акцэнт быў зроблены на недахопах і праблемах. У бягучым годзе ў раёне адбылося 7 пажараў. Апошнія два гады не дапушчана гібелі людзей.

Ігар Сергяенка адзначыў, што трэба больш актыўна праводзіць прафілактычную работу, асаблівую ўвагу надаючы адзінокім і састарэлым грамадзянам. Таксама адзначыў недастатковую працу назіральных камісій.

Аляксандр Барыла http://www.klich.by/?p=134090