26.03.2026

У Шаркаўшчынскім раёне 28 сакавіка пройдзе суботнік

Жыхары г. п. Шаркаўшчына і сельскіх населеных пунктаў далучацца да акцыі па навядзенні парадку. Плануецца, што прадстаўнікі працоўных калектываў будуць наводзіць парадак на ўласных і прылеглых, а таксама замацаваных тэрыторыях.

Заробленыя на суботніку сродкі будуць накіраваны на добраўпарадкаванне Шаркаўшчыны, набыццё і рамонт малых архітэктурных формаў, правядзенне культурна-масавых мерапрыемстваў.

Давайце ўсе разам падтрымаем гэтую добрую традыцыю-калектыўна наводзіць парадак на зямлі. Зробім прыгожым і ўтульным наш агульны дом!