Указам Прэзідэнта Рэспублікі Беларусь А.Р. Лукашэнка ў гэтым годзе у нашай краіне з'явілася яшчэ адно дзяржаўнае свята.
Дзень 17 верасня стаў актам гістарычнай справядлівасці ў дачыненні да беларускага народа, падзеленага супраць яго волі ў 1921 годзе па ўмовах Рыжскага мірнага дагавора, і назаўсёды замацаваўся ў нацыянальнай гістарычнай традыцыі. Адноўленае ў 1939 годзе адзінства дазволіла Беларусі выстаяць у гады Вялікай Айчыннай вайны, заняць пачэснае месца ў міжнароднай супольнасці, стаць адным з сузаснавальнікаў Арганізацыі Аб'яднаных Нацый.
Дарагія сябры! Хай 17 верасня будзе не проста датай у календары, а днём, напоўненым канкрэтнымі справамі па захаванні нашай гісторыі, лепшых традыцый, павагай да подзвігу нашых дзядоў і прадзедаў, якія адстаялі мір на беларускай зямлі і нацыянальнае адзінства. Кожны з нас сёння павінен памятаць, што ён з'яўляецца неад'емнай часткай адзінага народа, і Радзіма ў нас адна, таму трэба зрабіць усё магчымае, каб наша зямля была моцнай і ўстойлівай да тых выклікаў, з якімі нам даводзіцца сутыкацца.
Ад усёй душы жадаем вам радасці ад стваральнай працы, поспехаў ва ўсіх справах, гонару за дасягнутае, цвёрдай упэўненасці ў заўтрашнім дні!
Дзмітрый Ламака,
старшыня раённага
выканаўчага камітэта
Уладзімір ШПЕЦ,
старшыня раённага Савета дэпутатаў