Візіт Прэзідэнта Беларусі Аляксандра Лукашэнкі ў Зімбабвэ ў пачатку 2023 года адкрывае серыю значных міжнародных мерапрыемстваў з краінамі далёкай дугі. Аб гэтым паведаміў журналістам міністр замежных спраў Беларусі Сяргей Алейнік, перадае карэспандэнт БЕЛТА.

"Скажу ў якасці інсайду: гэты візіт у пачатку 2023 года адкрывае цэлую серыю запланаваных дастаткова значных міжнародных мерапрыемстваў двухбаковага характару з краінамі далёкай дугі. У бягучым годзе графік на гэтым напрамку плануецца даволі інтэнсіўны. Многія мерапрыемствы будуць праходзіць у тым ліку і на вышэйшым узроўні. Ёсць вялікая запатрабаванасць у двухбаковых кантактах і важкія перспектывы. Таму і вам, журналістам, і нам, і дыпламатам, і рэальнаму сектару дакладна работы хопіць", - адзначыў кіраўнік МЗС.

БелТА