8 декабря 2023
Беларуска-індыйскі бізнес-форум пройдзе 12 снежня ў Мінску
Беларуска-індыйскі бізнес-форум пройдзе 12 снежня ў Мінску, паведамілі БЕЛТА ў Нацыянальным цэнтры маркетынгу.
Нацыянальны цэнтр маркетынгу сумесна з Федэрацыяй гандлёва-прамысловых палат Індыі (FICCI) арганізуе форум з мэтай пошуку перспектыўных пунктаў узаемавыгаднага супрацоўніцтва бізнес-супольнасці дзвюх краін.
Запланавана абмеркаванне ўзаемадзеяння ў сферах сельскай гаспадаркі і харчавання, машынабудавання, хімічнай галіны, турызму. У праграме разгляд пытанняў лагістыкі, правядзення ўзаемаразлікаў, а таксама B2B-перагаворы.
