17 января 2024
Віншаванне ад раённай арганізацыі грамадскага аб’яднання “Беларускі саюз жанчын” з 90-годдзем атрымала Ганна Аляксандраўна Конанава
У межах рэспубліканскай дабрачыннай акцыі «Ад усёй душы» начальнік аддзела ідэалагічнай работы і па справах моладзі райвыканкама, кіраўнік раённага аддзялення Беларускай партыі «Белая Русь», старшыня раённай арганізацыі грамадскага аб’яднання «Беларускі саюз жанчын» Людміла Уладзіміраўна Стома і прадстаўнік адміністрацыі будаўнічай арганізацыі ПМК-68 Анастасія Красоўская наведалі на даму ветэрана працы Ганну Аляксандраўну Конанаву.
Жанчына шмат год працавала маляром-тынкоўшчыцай, заўсёды была ў ліку перадавых работнікаў будаўнічага прадпрыемства нашага раёна. Госці павіншавалі Ганну Аляксандраўну 90-гадовым юбілеем, уручылі ёй памятныя падарункі і пажадалі моцнага здароўя і даўгалецця.
Сяргей РАЙЧОНАК