У гандлёвым абслугоўванні абласнога фестывалю-кірмашу «Дажынкі-2023» у гарадскім пасёлку Шаркаўшчына прымуць удзел больш за 70 арганізацый гандлю, грамадскага харчавання, прамысловых прадпрыемстваў, індывідуальных прадпрымальнікаў, а таксама фізічных асоб Рэспублікі Беларусь.

 

Гандлёвыя рады, выязныя сезонныя кафэ будуць размешчаны на вуліцах Энгельса, Школьная, Вадап'янава, плошчы 1-га Мая.

У рамках фестывалю будзе прадстаўлены шырокі асартымент харчовых і нехарчовых тавараў айчынных вытворцаў, прадукцыі грамадскага харчавання.

Прадпрыемствамі-вытворцамі (ААТ «Глыбоцкі МКК», ААТ «Полацкі МКК», ААТ «Верхнядзвінскі масласырзавод», ААТ «Пастаўскі малочны завод», КУП «Кандытарская фабрыка «Віцьба», Докшыцкі філіял Віцебскага абласнога спажывецкага таварыства) і гандлёвымі прадпрыемствамі будуць праведзены дэгустацыі харчовых тавараў, конкурсы з уручэннем падарункаў і сувеніраў, забаўляльныя мерапрыемствы, у тым ліку для дзяцей.

Выстава-продаж прадукцыі ААТ «Віцебскхлебпрам» разгорнецца па вуліцы Энгельса на пляцоўцы каля ДУК «Шаркаўшчынскі раённы Цэнтр культуры». Прадпрыемствам будзе прадстаўлены шырокі асартымент хлебабулачнай і кандытарскай прадукцыі, якую выпускае не толькі галаўное прадпрыемства, але і філіялы вобласці.

Прадпрыемствы Віцебскай вобласці (ААТ «Сцяг індустрыялізацыі», ДП «Віцябчанка», ААТ «Віцебскія дываны», ТАА «ЛанатэксБел», ТАА Фабрыка «Васіліна», Віцебскі філіял ААТ «Стужка») прапануюць разнастайны асартымент швейных, панчошных вырабаў, іншых прамысловых тавараў як уласнай вытворчасці, так і прадпрыемстваў рэспублікі па прывабных цэнах.

 

Аб'екты грамадскага харчавання прапануюць прыгатаваныя навідавоку ў пакупнікоў стравы: шашлыкі, куры-грыль, піцы, бліны і інш.

У рамках фестывалю-кірмашу будзе арганізавана дзіцячая пляцоўка для дзяцей рознага ўзросту. Атракцыёны і іншыя забавы разгорнуцца па вуліцы Савецкая ад аўтабазы спажывецкай кааперацыі, уздоўж касцёла.