Будзьце пільныя падчас купання. Улічвайце пытанні бяспекі пры планаванні адпачынку каля вады. Не пакідайце дзяцей без нагляду.

Па аператыўных дадзеных АСВОД за 27 чэрвеня 2022 года колькасць загінуўшых ад утаплення склала 10 чалавек, з іх 1 дзіця: у Брэсцкай вобласці - 1, у Віцебскай вобласці - 1, у Гродзенскай вобласці - 2, у Мінскай вобласці - 4, з іх 1 дзіця, і ў Магілёўскай вобласці - 2.

Па аператыўных дадзеных АСВОД:

з 01.01 па 28.06.2022 колькасць загінуўшых ад утаплення склала 174 чалавекі, з іх 10 дзяцей: (у Брэсцкай вобласці - 35, у Віцебскай вобласці - 26, з іх 2 дзяцей, у Гомельскай вобласці - 22, з іх 2 дзяцей , у Гродзенскай вобласці - 18, у Мінскай вобласці - 30, з іх 2 дзяцей, Магілёўскай вобласці - 25, з іх 3 дзяцей, і ў г. Мінску - 18, з іх 1 дзіця;

з пачатку купальнага сезона з 01.06 па 28.06.2022 колькасць загінуўшых ад утаплення склала 72 чалавекі, з іх 4 дзяцей: у Брэсцкай вобласці - 10, у Віцебскай вобласці - 12, з іх 1 дзіця, у Гомельскай вобласці - 11, у Гродзенскай вобласці - 8, у Мінскай вобласці - 12, з іх 1 дзіця, Магілёўскай вобласці - 13, з іх 2 дзяцей, і ў г. Мінску - 6;

за мінулы тыдзень з 20.06 па 26.06.2022 колькасць загінуўшых ад утаплення склала 14 чалавек, з іх 1 дзіця: у Брэсцкай вобласці - 2, у Гомельскай вобласці - 2, у Гродзенскай вобласці - 2, у Мінскай вобласці - 3, Магілёўскай вобласці - 4, з іх 1 дзіця, і ў г. Мінску - 1.

У сувязі з пачаткам купальнага сезона рэзка ўзрос прыток адпачываючых да вадаёмаў, і адпаведна павялічылася колькасць няшчасных выпадкаў. Пераважная іх колькасць звязана з парушэннем правіл бяспечных паводзін на вадзе.

Асноўнымі прычынамі гібелі людзей на вадаёмах па-ранейшаму застаюцца:

купанне ў стане алкагольнага ап'янення;

кіданне малалетніх дзяцей без нагляду;

купанне ў забароненых месцах;

невыкананне мер асабістай бяспекі.

Купанне ў нецвярозым стане

Да асноўных прычын няўдалага, а часам сумнага адпачынку можна аднесці бестурботнасць грамадзян, парушэнне правіл паводзін на вадзе. У большасці выпадкаў надзвычайныя здарэннi адбываюцца падчас распівання спіртных напояў, пры заплыве ў нецвярозым стане, купанні ў забароненых месцах, дзе няма ратавальных станцый. Ужыванне алкаголю і адпачынак ля вады часта становяцца прычынай гібелі людзей. У мінулым годзе адкрыццё купальнага сезона не для ўсіх было ўдалым:

Важна! Нецвярозы чалавек не ў стане адэкватна ацэньваць сітуацыю і можа здзяйсняць учынкі, якія ніколі б не здзейсніў у цвярозым выглядзе.

Забараняецца! Купацца ў вадаёмах у стане алкагольнага ап'янення. Алкаголь дадаткова пашырае сасуды, і пасля апускання ў халодную ваду надыходзіць рэзкі спазм. Ва ўмовах адкрытага вадаёма гэта можа каштаваць жыцця.

Катанне на плаўсродках

Многія грамадзяне маюць у асабістым карыстанні розныя плаўсродкі (лодкі, гідрацыклы, катэры і інш.), астатнія карыстаюцца ўзятымі на пракат. У любым выпадку аматарам водных прагулак неабходна памятаць, што катанне на любых плаўсродках патрабуе строгага захавання правіл бяспекі пры іх эксплуатацыі, парушэнне якіх можа пацягнуць за сабой непапраўныя наступствы:

Важна! Усе, хто знаходзіцца на плаўсродку, павінны апранаць выратавальныя камізэлькі.

Забараняецца:

перавышаць усталяваную колькасць людзей на борце;

кіраваць плаўсродкамі ў стане алкагольнага ап'янення;

кіруючаму плаўсродкам заходзіць за пазначаныя буйкамі акваторыі, адведзеныя для купання;

скакаць у ваду з лодкі;

сядзець на бартах, пераходзіць з месца на месца і перасаджвацца на іншыя катэры, лодкі;

выходзіць на ваду на плаўсродках, зусім для гэтага не прыстасаваных;

блізка падплываць да плаўсродкаў, паблізу іх узнікаюць віры, хвалі і плыні: плаваючага можа зацягнуць пад іх.

Спробы пераплысці вадаём

Асцярожнасць на вадзе - гэта, перш за ўсё, неабходнасць. Людзі (нават добра ўмеючыя плаваць) заплываюць на глыбіню, а вярнуцца на бераг ужо не могуць. Некаторыя ладзяць спаборніцтвы па пераадоленні перашкод. Але сілы можа разлічыць далёка не кожны:

Забараняецца! Заплываць за абмежавальныя знакі і выдаляцца ад берага падчас купання на значныя адлегласці, а таксама без вострай неабходнасці (выратаванне людзей) пераплываць вадаём.

Плаванне і ныранне ў незнаёмых, неабсталяваных месцах

Многія адпачываючыя любяць ныраць у ваду з вышыні. Смяротна небяспечна для жыцця скакаць у ваду ў невядомых месцах. Тут можна стукнуцца галавой аб грунт, зламаць шыйныя пазванкі, страціць прытомнасць і загінуць. Не менш небяспечна таксама ныраць у ваду з мастоў, плытоў, прыстаняў, дамбаў і іншых збудаванняў. Пад вадой могуць быць палі, камяні і да т.п.

Важна! Купайцеся толькі на абсталяваных пляжах у зоне, абгароджанай буйкамі ці паплаўкамі.

Забараняецца! Скакаць ці ныраць у незнаёмых месцах: з мастоў, прычалаў, прыстаняў і інш.

Надзіманыя матрацы, камеры і інш.

Вельмі часта пры адпачынку на вадзе людзі выкарыстоўваюць розныя надзіманыя прадметы. Плаванне на іх небяспечна, а для чалавека, які не ўмее плаваць, часта заканчваецца трагічна. Надзіманыя камеры, матрацы вельмі лёгкія, нават слабога ветру і плыні дастаткова, каб аднесці іх на вялікія адлегласці. Варта адцягнуцца на некалькі хвілін - і бераг аказваецца па-за межамі дасяжнасці. Матрац можа захліснуць хваляй, ён можа выслізнуць з-пад плыўца і накрыць яго з галавой. Да таго ж любы надзіманы прадмет можа мець утоены дэфект, які не заўсёды атрымоўваецца выявіць своечасова: з яго можа выйсці паветра і ён страціць плавучасць у любы момант.

Важна! Любыя падручныя надзіманыя сродкі могуць выслізнуць з рук, садзьмуцца па якой-небудзь прычыне, і чалавек апынецца ў вадзе.

Забараняецца! Выкарыстоўваць для плавання надзіманыя матрацы, кругі, камеры і інш. надзіманыя прадметы, т.я. яны не з'яўляюцца плаўсродкамі.

Падлеткі без нагляду ля вады

Асаблівы акцэнт хочацца зрабіць на бяспецы падлеткаў ля вадаёмаў. Яны часам паводзяць сябе занадта бестурботна, самаўпэўнена, бегаюць і песцяцца ля вады, не адчуваючы ніякай небяспекі. Бацькі павінны разумець, што, колькі б не было гадоў дзіцяці, будзь ён дашкольнікам ці навучэнцам, ён не павінен знаходзіцца ў вады без нагляду дарослых. І менавіта бацькі абавязаны пагаварыць з дзецьмі аб усім, што можа адбыцца, папярэдзіць аб небяспецы і растлумачыць наступствы.

Важна! Правілы для бацькоў:

не адпускайце дзіця на пляж адно;

не выпускайце яго з-пад увагі, калі яно плавае (не варта спадзявацца на тое, што дзіця ўжо вялікае і выдатна плавае);

выбірайце абсталяваны пляж, бо там дзяжураць ратавальнікі.

Гібель дзяцей на вадаёмах

Яшчэ раз акцэнтуем увагу на тым, што самае галоўнае, пра што павінны памятаць бацькі - дзеці не павінны знаходзіцца ля вады без нагляду. Гэта правіла, якога ўсе дарослыя абавязаны няўхільна прытрымлівацца. На жаль, часта на вадзе тонуць малалетнія дзеці, пакінутыя без нагляду дарослых.

Небяспеку, асабліва для маленькага дзіцяці, уяўляюць не толькі буйныя вадаёмы, але і дэкаратыўныя сажалкі, і нават ёмістасці з вадой. Толькі бацькі, якія ведаюць пра магчымую небяспеку і ўспрымаюць іх сур'ёзна, якімі б рэдкімі і неверагоднымі яны не здаваліся, змогуць зберагчы сваё дзіця ад бяды. Знаходзячыся з дзецьмі ля вады, пільнасць нельга губляць ні на хвіліну.

Важна! Не выпускайце з-пад увагі дзяцей, якія гуляюць у вадаёмаў. Лепш за ўсё, калі дзіця будзе гуляць на вадзе з дарослымі - толькі так можна цалкам быць упэўненымі ў яго бяспецы. Калі вы не ўдзельнічаеце ў гульнях, сачыце, каб дзіця было ў межах вашай бачнасці.

Паважаныя бацькі! Лета - выдатны час для адпачынку, пазітыўных эмоцый, яркіх уражанняў. Але гэта і самы траўманебяспечны перыяд для дзяцей. Таму зрабіце ўсё, каб зберагчы сваё дзіця ад непрыемнасцяў. Пастарайцеся максімальна засцерагчы ваш адпачынак, будзьце побач са сваімі дзецьмі і беражыце іх.