Святочныя мерапрыемствы распачаліся з сустрэчы кіраўніцтва раёна з воінамі-афганцамі. Першы намеснік старшыні райвыканкама Дзмітрый Міхайлавіч Ламака павіншаваў прысутных са святам і ўручыў воінам-афганцам граматы і падзякі. Падчас сустрэчы ў райвыканкаме воіны-інтэрнацыяналісты атрымалі ў падарунак альбом “Афганістан. Без права на забыццё”, у якім сабраны ўсе звесткі пра шаркаўчан, якія выконвалі інтэрнацыянальны доўг у Афганістане. Потым у скверы ДРБУ-131 ля помніка воінам-інтэрнацыяналістам прайшоў урачысты мітынг. У касцёле Узвышэння Свтога Крыжа і царкве “Усіх смуткуючых Радасць” прайшлі багаслужэнні па загінулых і памерлых афганцах. Мерапрыемства завяршылася святочным аганьком, на якім перад прысутнымі выступаў гурт “Каліна”.

Андрэй Бурэц