1 марта 2016

Аб правядзенні тэхнічнага нагляду тэхнікі

Раённым выканаўчым камітэтам прынята адпаведнае рашэнне аб правядзенні з 15 сакавіка па 31 жніўня 2016 года дзяржаўнага тэхнічнага агляду трактараў, меліярацыйных, дарожна-будаўнічых і сельскагаспадарчых машын.

Дзяржтэхагляд праводзіцца ў мэтах вызначэння стану машынна-трактарнага парка, наяўнасці ў механізатараў адпаведных пасведчанняў і забеспячэння бяспекі дарожнага руху. На тэхнічны агляд выстаўляецца тэхніка сельгаспрадпрыемстваў, іншых арганізацый, незалежна ад формы ўласнасці, а таксама індывідуальных карыстальнікаў, якія маюць у наяўнасці сельгасмашыны.

Старшыня камісіі, галоўны дзяржаўны інжынер-інспектар Дзяржтэхнагляду Васілій Лутохін адзначыў, што першымі павінны прадаставіць тэхніку сельгаспрадпрыемствы, затым іншыя арганізацыі. Яе агляд будзе праходзіць у тры этапы: да 27 красавіка будуць правераны трактары, прычэпы і самаходныя машыны; да 13 мая — кормаўборачныя камбайны; да 6 ліпеня — зернеўборачныя камбайны. Індывідуальныя карыстальнікі прадастаўляюць тэхніку на агляд у гаспадарках, на тэрыторыі якіх яны пражываюць.

Да пачатку тэхагляду трэба правесці аплату ў раённы бюджэт на разліковы рахунак № 3600330004001, код плацяжу 03001. Дзяржпошліна збіраецца за ўсе зарэгістраваныя ў інспекцыі Дзяржтэхнагляду трактары, прычэпы, паўпрычэпы, меліярацыйныя, дарожна-будаўнічыя, самаходныя сельскагаспадарчыя машыны ў памеры:

— 30 працэнтаў ад базавай велічыні за трактар і іншую самаходную тэхніку;

— 20 працэнтаў ад базавай велічыні за трактарны прычэп ці паўпрычэп.

Сяргей РАЙЧОНАК