21 октября 2019

Анастасія Аляхновіч – пераможца рэспубліканскага конкурсу дзіцячых малюнкаў па экалогіі

Міністэрства прыродных рэсурсаў і аховы навакольнага асяроддзя Рэспублікі Беларусь падвяло вынікі штогаддовага рэспубліканскага конкурсу на лепшы дзіцячы малюнак на экалагічную тэматыку.

         Міністэрства прыродных рэсурсаў і аховы навакольнага асяроддзя Рэспублікі Беларусь падвяло вынікі штогаддовага рэспубліканскага конкурсу на лепшы дзіцячы малюнак на экалагічную тэматыку. У ліку пераможцаў рэспубліканскага конкурсу — вучаніца 5 класа Германавіцкай ДС-СШ Анасітасія Аляхновіч. Яе работа “Захавальнікі балота Ельня”, створаная пад кіраўніцтвам педагога Лідзіі Генадзьеўны Мядзелец, заваявала 2 месца ва ўзроставай катэгорыі ад 6 да 10 год.

         Сюжэтам для малюнка стаў архіўны фотаздымак. На ім людзі, якія працуюць на балоце, будуюць плаціну. Вось і ў сваёй конкурснай рабоце Анастасія Аляхновіч адлюстравала, як жыхары нашага раёна імкнуцца захаваць водны баланс балота Ельня ў яго першапачатковым некранутым цывілізацыяй выглядзе. У адзін з кастрычніцкіх дзён навучальную ўстанову ў Германавічах наведаў начальнік Шаркаўшчынскай раённай інспекцыі прыродных рэсурсаў і аховы навакольнага асяроддзя Іван Іванавіч Міхалёнак. Ён павіншаваў Анастасію Аляхновіч і яе педагога з заслужанай узнагарордай, уручыў дзяўчынцы дыплом і кнігу па экалогіі.

Вольга ЧАРНЯЎСКАЯ.