19 августа 2020

Член Савета Рэспублікі Нацыянальнага сходу Уладзімір Матвееў сустрэўся з калектывам Шаркаўшчынскай ЦРБ

18 жніўня ў актавай зале УЗ «Шаркаўшчынская ЦРБ» член Савета Рэспублікі Нацыянальнага сходу Рэспублікі Беларусь, генеральны дырэктар камунальнага праектна-рамонтна-будаўнічага ўнітарнага прадпрыемства «Віцебскаблбуд» Уладзімір Матвееў правёў сустрэчу з медработнікамі.

У сваім выступе парламентарый адзначыў, што ў Беларусі ўжо некалькі дзён праходзяць мітынгі і акцыі тых, хто незадаволены абвешчанымі афіцыйнымі вынікамі прэзідэнцкіх выбараў, якія адбыліся 9 жніўня. У гэтых умовах абавязкова патрэбны дыялог, якім бы няпростым ён не быў. У цяперашняй сітуацыі нельга азлобляцца і адварочвацца адзін ад аднаго.

Уладзімір Сямёнавіч закрануў пытанні сацыяльна-эканамічнага развіцця Рэспублікі Беларусь, распавёў пра дабрабыт насельніцтва, тых станоўчых паказчыках, якіх наша краіна дасягнула за апошнія 26 гадоў. Па словах Уладзіміра Сямёнавіча, зараз мы павінны задумацца пра тое, каб захаваць і прымножыць ўсё, што было зроблена за мінулы перыяд, для шчаслівага і мірнага будучага нашага грамадства і маладога пакалення нашых грамадзян.

АЛЕНА АНАНІЧ