10 апреля 2015

Да Міжнароднага дня вызвалення вязняў фашысцкіх канцлагераў

8 красавіка ў г.п.Шаркаўшчына ля помніка ахвярам шаркаўшчынскага гета адбыўся мітынг, прымеркаваны Міжнароднаму дню вызвалення вязняў фашысцкіх канцлагераў, які па рашэнні ААН вызначаецца 11 красавіка.

8 красавіка ў г.п.Шаркаўшчына ля помніка ахвярам шаркаўшчынскага гета адбыўся мітынг, прымеркаваны Міжнароднаму дню вызвалення вязняў фашысцкіх канцлагераў, які па рашэнні ААН вызначаецца 11 красавіка. У ім удзельнічалі былыя вязні канцлагераў, вучні сярэдняй школы №2 г.п. Шаркаўшчына, прадстаўнікі раённай улады. Пасля мітынга ў сярэдняй школе №1 г.п.Шаркаўшчына прайшла вечарына пад назвай “І памятае свет уратаваны…”. Да ўдзельнікаў звярнуўся старшыня Шаркаўшчынскага раённага Савета дэпутатаў Уладзімір Шпец. Ён падзякаваў ветэранам за іх працу і павіншаваў іх з надыходзячым Днём перамогі. Сваімі ўспамінамі падзяліліся з прысутнымі Ада Райчонак і Сяргей Красоўскі.