19 верасня спаўняецца 130 год з дня нараджэння садавода-селекцыянера Івана Паўлавіча Сікоры. Асноўныя мерапрыемствы, прысвечаныя гэтай даце, адбыліся падчас Яблычнага фэсту, які прайшоў у Алашках 22 жніўня. Упершыню супрацоўнікі мемарыяльнага музея славутага садавода 19 верасня будуць ладзіць Дзень адчыненых дзвярэй для наведвальнікаў установы. Тут будуць прапанаваныя экскурсіі па музеі, па сядзібе, дзе жыў і працаваў Іван Паўлавіч, па пладовым садзе. Таксама можна будзе паглядзець дакументальную відэастужку “Сказ пра садавода”, знятую ў 1964 годзе. Уваход бясплатны.