3-га ліпеня ў гарадскім пасёлку прайшлі ўрачыстыя мерапрыемствы з нагоды Дня Незалежнасці Рэспублікі Беларусь. Шаркаўчане прыйшлі на плошчу Леніна, каб ушанаваць памяць воінаў Вялікай Айчыннай вайны, якія цаною сваіх жыццяў і здароўя, прынеслі вызваленне Беларусі. Сёлета ў Беларусі адсвяткавалі 69-ую гадавіну вызвалення, усё меней застаецца ўдзельнікаў і сведкаў тых падзей. Менавіта ветэраны сталі галоўнымі гасцямі на ўрачыстасці. Са словамі віншавання звярнуўся да шаркаўчан старшыня райвыканкама Мікалай Ірынархавіч Баговіч, заклікаўшы не забываць подзвіг бацькоў і дзядоў.

Ад імя маладога пакалення выступіла выконваючая абавязкі першага сакратара раённага камітэта БРСМ Алена Ананіч. Прадстаўнікі працоўных калектываў гарадскога пасёлка ўсклалі вянкі і кветкі да помніка. Хвілінай маўчання была ўшанавана памяць загінуўшых у Вялікай Айчыннай вайне.

Андрэй БУРЭЦ