22 красавіка рэдакцыя раённай газеты правяла Дзень падпісчыка на ўчастку паштовай сувязі ў Шаркаўшчыне. Каб даведацца пра меркаванні аб газеце, пачуць прапановы і заўвагі па змесце і афармленні выдання, прапанаваць тым, хто яшчэ не аформіў падпіску, падпісацца на раённую газету “Кліч Радзімы”. 

Калектыў рэдакцыі раённай газеты ў сваёй рабоце прытрымліваецца прынцыпу — быць як мага бліжэй да сваіх чытачоў. Нам вельмі цікава ведаць, чым яны жывуць, што іх турбуе або радуе. Мы імкнёмся пабываць у самых аддаленых населеных пунктах, у сельскіх клубах і школах, сустрэцца з механізатарамі ў полі ці з даяркамі на ферме. Усё гэта робіцца, каб наша раёнка стала цікавай для людзей любога ўзросту, прадстаўнікоў розных прафесій і ў кожным доме яе свежы нумар чакалі з нецярпеннем. У гэты дзень, падпісваючыся на раённую газету, чытачы атрымлівалі падарункі.

Сяргей ВЫСОЦКІ.