20 студзеня ў Шаркаўшчыне на новым гарадскім стадыёне на трох падрыхтаваных пляцоўках прайшлі спаборніцтвы па міні-футболе на снезе сярод шасці калектываў фізічнай культуры раёна. Барацьба калектываў разгарнулася ў 10 гадзін, а ўжо ў 14 гадзін шаркаўчан чакаў гарадскі каток на святкаванне Дня снегу. Арганізатарам свята выступілі аддзелы культуры і фізкультуры, спорту і турызму райвыканкама.