1 сентября 2015

Дзень ведаў у школах раёна

Сёння Дзень ведаў прайшоў у 16 школах раёна. Новы навучальны год распачалі 1600 вучняў, з іх 140 – першакласнікі. Традыцыйна віншуюць са святам настаўнікаў, вучняў і бацькоў прадстаўнікі райвыканкама, аддзела адукацыі, спорту і турызму райвыканкама, супрацоўнікі РАУС. Старшыня Шаркаўшчынскага райвыканкама Мікалай Ірынархавіч Баговіч на ўрачыстай лінейцы павіншаваў школьнікаў Гуркаўскай базавай школы і ўручыў першакласнікам іх першую кнігу – “Беларусь – наша Радзіма”, а калектыву школы – спартыўны інвентар.