На радзіме славутага садавода-селекцыянера Івана Паўлавіча Сікоры прайшло свята “Яблычны Спас – Сікораўская душы часцінка”. У гэтым годзе споўнілася 25 год з таго моманту, як быў адкрыты мемарыяльны музей Сікоры. У гонар знакамітага земляка з удзелам старшыніШаркаўшчынскага райвыканкама Баговіча М.І. была адкрыта скульптура “Памяць Сікоры”. На свяце адбыліся рэгістрацыя сям’і Кацярыны і Дзмітрыя Вількіль, асвячэнне яблыкаў святаром Пятром Бараноўскім і сустрэча ў літаратурна-музычнай гасцёўні, прысвечанай паэту і кампазітару Галіне Іванаўне Сікоры. У свяце прынялі ўдзел госці з Браслаўскага і Докшыцкага раёнаў.