31 мая, напярэдадні міжнароднага дня абароны дзяцей, на сцэне раённага Цэнтра культуры прайшоў традыцыйны фестываль дзіцячай і юнацкай творчасці “Каляровыя сны”. Мерапрыемства сабрала амаль поўную глядзельную залу жыхароў Шаркаўшчыны і раёна, усіх, хто цікавіцца песенным мастацтвам. Юныя выканаўцы прадставілі свае нумары, якія ўдзячная публіка заўсёды сустракалі бурнымі апладысментамі. Намеснік начальніка аддзела ідэалагічнай работы, культуры і па справах моладзі райвыканкама Шынкевіч І.М. павіншавала дзяцей са святам і ўручыла ўдзельнікам фестывалю дыпломы, а ільвяня – сімвал фестывалю, парыў кожнаму падарункі. Мерапрыемства атрымалася яркім, запамінальным і вясёлым, як само дзяцінства.