У Шаркаўшчынскай СШ № 1 адбыўся конкурс прафесійнага майстэрства сярод маладых настаўнікаў раёна. Паспаборнічалі за званне лепшага настаўніка Дзіна Валер’еўна Галагуш — выхавацель ясляў-сада № 4, Ядзвіга Вітальеўна Балай — настаўніца нямецкай мовы Шаркаўшчынскай СШ № 1, Алена Уладзіміраўна Ворса — дэфектолаг Радзюкоўскай БШ, Ірына Вітальеўна Шатыбелка — настаўнік інфарматыкі і матэматыкі Шаркаўшчынскай СШ № 2, Надзея Уладзіміраўна Дзімідзенка — настаўнік-лагапед Германавіцкай СШ. Раскрыць свой педагагічны талент у найбольш поўнай меры перад пачаткам конкурсу пажадала ўдзельніцам начальнік аддзела адукацыі райвыканкама Валянціна Іванаўна Лемяшэўская.
У няпростым спаборніцтве за званне лепшага перамагла настаўнік замежнай мовы СШ № 1 Ядзвіга Вітальеўна Балай. Прыз глядацкіх сімпатый аказаўся ў Алены Уладзіміраўны Ворса. Кожная ўдзельніца атрымала Ганаровую грамату, а пераможца конкурсу невялікі падарунак і кветкі.

Марына ЖАКАЎКА.