Пад такім дэвізам у Беларусі праходзіў конкурс, прымеркаваны да Міжнароднага дня маці-зямлі. “Зялёным парталам” было аб’яўлена “паляванне” за знакавымі раслінамі ў сваёй мясцовасці. Трэба было знайсці дрэва, якое адыграла важную ролю ў жыцці ўдзельніка конкурсу, сфатаграфавацца каля яго і даць апісанне.

І вось падведзены вынікі рэспубліканскага конкурсу па трох намінацыях. Прыемна, што сярод пераможцаў прадстаўнікі нашага раёна. У намінацыі “Сямейныя дрэвы” першае месца прысуджана Кацярыне Сосна. У намінацыі “Легендарныя дрэвы” перамогу атрымалі Дзіяна Касевіч і Лізавета Філіпёнак – удзельніцы школьнага экалагічнага клуба Германавіцкай сярэдняй школы. Пераможцы ўзнагароджаны дыпломамі і памятнымі падарункамі.

Андрэй Бурэц