6 июля 2017

Лепшыя механізатары сельгаспрадпрыемства “Гарадзец”

Не першы год сярод перадавых механізатараў сельгаспрадпрыемства “Гарадзец” вылучаецца Аляксандр Морхат. Ён і на пасяўной займае лідзіруючыя пазіцыі, і падчас збожжаўборачнай кампаніі выходзіць у лік перадавікоў. Не выключэннем тут з’яўляецца і корманарыхтоўка. Аляксандар на сваім трактары МТЗ-2022 у счэпе з прычэпам ПС-45 па стане на 5 ліпеня перавёз з поля ў сянажныя траншэі 1340 тон зялёнай масы.

Не першы год сярод перадавых механізатараў сельгаспрадпрыемства “Гарадзец” вылучаецца Аляксандр Морхат. Ён і на пасяўной займае лідзіруючыя пазіцыі, і падчас збожжаўборачнай кампаніі выходзіць у лік перадавікоў. Не выключэннем тут з’яўляецца і корманарыхтоўка. Аляксандар на сваім трактары МТЗ-2022 у счэпе з прычэпам ПС-45 па стане на 5 ліпеня перавёз з поля ў сянажныя траншэі 1340 тон зялёнай масы.

Андрэй Дзянісаў працуе на трактары МТЗ-1221. Ён на 5 ліпеня у свой залік запісаў перавезеных 1372 тоны зялёнай масы, што з’яўляецца найбольшым паказчыкам сярод астатніх механізатараў, якія задзейнічаны на адзвозе “зялёнкі” з поля.
Узнагародзіць Аляксандра Морхата і Андрэя Дзянісава ў поле прыехала намеснік дырэктара КУВСП “Гарадзец” Наталля Віктараўна Катушонак. Яна ўручыла механізатарам граматы і каштоўныя падарункі ад імя адміністрацыі і прафсаюзнага камітэта сельгаспрадпрыемства.

Усяго ж у гаспадарцы ўжо нарыхтавалі больш чатырох тысяч тон сенажа. Наперадзе яшчэ другі ўкос траў, а таксама нарыхтоўка сіласу. Гэта дазволіць бесперашкодна правесці зімова-стойлавы перыяд буйной рагатай жывёлы, а таксама рэалізаваць рэшткі корму іншым гаспадаркам нашага раёна.

Сяргей РАЙЧОНАК