25 лютага ў вялікай зале райвыканкама адбылася 31-я сесія раённага Савета дэпутатаў 26-га склікання. Праводзіў сесію старшыня раённага Савета дэпутатаў У. С. Шпец, удзел у мерапрыемстве прыняў старшыня раённага выканаўчага камітэта М. І. Баговіч. З дакладам “Пра работу органаў па працы, занятасці і сацыяльнай абароне па рэалізацыі мерапрыемстваў Комплекснай праграмы развіцця сацыяльнага абслугоўвання Шаркаўшчынскага раёна на 2011—2015 гады” выступіла намеснік начальніка ўпраўлення па працы, занятасці і сацыяльнай абароне райвыканкама А. М. Хашкоўская. Па дадзенаму пытанню з дакладамі пра дзейнасць у сваіх накірунках выступілі дырэктар тэрытарыяльнага цэнтра сацыяльнага абслугоўвання насельніцтва І. В. Прыстаўка, начальнік аддзела ідэалагічнай работы, культуры і па справах моладзі райвыканкама Л. У. Стома, намеснік галоўнага ўрача ЦРБ па медыцынскай часці М. В. Манкевіч, старшыня раённай арганізацыі Беларускага таварыства Чырвонага крыжа В. У. Хаданёнак, старшыня райспажыўтаварыства Н. А. Пятрова, старшыня Германавіцкага сельскага Савета дэпутатаў А. А. Рубін. Начальнік фінансавага аддзела райвыканкама В. А. Лось выступіла з наступнымі дакладамі — “Аб зацвярджэнні справаздачы аб выкананні раённага бюджэта за 2013 год”, “Аб зацвярджэнні рашэнняў Шаркаўшчынскага раённага выканаўчага камітэта”, “Аб унясенні змяненняў і дапаўненняў у рашэнне Шаркаўшчынскага раённага Савета дэпутатаў ад 24 снежня 2013 года № 187 “Пра раённы бюджэт на 2014 год”.

Аляксандр БАРЫЛА.