28 жніўня ў раённым Доме культуры прайшла традыцыйная раённая канферэнцыя настаўнікаў. У рамках мерапрыемтсва прайшла выстава ўстаноў адукацыі раёна, прымеркаваная да Году моладзі. Старшыня Шаркаўшчынскага райвыканкама Мікалай Ірынархавіч Баговіч павіншаваў усіх прысутных з пачаткам новага навучальнага года. На свяце былі адзначаны лепшыя педагогі, кіраўнікам устаноў адукацыі, якія перамаглі ў аглядзе-конкурсе на лепшую падрыхтоўку ўстаноў адукацыі да новага навучальнага года, былі ўручаны сертыфікаты на атрыманне вучэбнага абсталявання. Таксама на свяце прайшло ўшанаванне маладых педагогаў, якія распачнуць працоўную дзейнасць, і педагогаў, якія адправіліся на заслужаны адпачынак. Святочны настрой прысутным дарылі навучэнцы школ і фіналіст конкурсу “Новыя галасы для любімай краіны” Уладзімір Касцюкевіч.