Яго ўрачыстае адкрыццё пачалося ў восем гадзін раніцы на плошчы Леніна каля райвыканкама. Тут пастроіліся ўдзельнікі 14 каманд працоўных калектываў гарпасёлка і раёна. Другі год запар у якасці гасцей у спартыўным свяце прыняла ўдзел і каманда расіян з Пскоўскага раёна.

Старшыня райвыканкама М. І. Баговіч, вітаючы прыхільнікаў здаровага ладу жыцця і аматараў актыўнага адпачынку, пажадаў кожнай камандзе азартнай і сумленнай спартыўнай барацьбы, бадзёрасці духу, пазітыўнага настрою і аптымізму. Пад гукі Дзяржаўнага гімна быў узняты сцяг Рэспублікі Беларусь, прадстаўнікі каманд усклалі кветкі да помніка загінуўшым воінам і партызанам у час вызвалення Шаркаўшчыны ад нямецка-фашысцкіх захопнікаў. Затым намеснік начальніка аддзела ідэалагічнай работы, культуры і па справах моладзі райвыканкама І. А. Іваноў абвясціў, што раённы турыстычны злёт моладзі-2015 адкрыты. 

Тут жа, на плошчы, адбыўся і першы конкурс на наяўнасць адзінай формы, дэвіза і эмблемы. А пасля каманды, прамаршыраваўшы адна за адной, накіраваліся на месца правядзення спаборніцтваў — у вёску Барсукі, на ўзбярэжжа маляўнічай ракі Мнюта. 

Па выніках усіх спаборніцтваў тры вышэйшыя прыступкі п’едэсталу занялі: трэцяе агульнакаманднае месца – каманда “SOS” (ЦРБ+РАНС), другімі сталі “Ёжыкі” (ДБУ-26+РАУС+ Беларусбанк+Белаграпрамбанк), а пераможцай турыстычнага злёту 2015 года стала каманда ААТ “Агратэхсэрвіс”.

Сяргей РАЙЧОНАК.