Сёлетні купальны сезон, на шчасце, прайшоў у нашым раёне без ахвяр. Адзіны выпадак утаплення адбыўся ў сакавіку, калі рыбалка для жыхара Гарадца скончылася трагічна.

— Хацелася б звярнуцца да аматараў рыбнай лоўлі нашага гарадскога пасёлка і раёна, — кажа старшыня раённага таварыства выратавання на вадзе Уладзімір Валер’евіч Катовіч, — з просьбай быць уважлівымі на рыбалцы. На жаль, у перыяд восеньскага міжсезоння трагічныя выпадкі з рыбакамі нярэдкія, часцей за ўсё яны адбываюцца ў выніку неасцярожнай лоўлі рыбы з плавальных сродкаў. Каб пазбегнуць рызыкі для ўласнага жыцця, трэба прытрымлівацца элементарных правіл бяспекі, устрымацца ад ужывання алкагольных напояў. Пры рыбалцы з плавальных сродкаў абавязковая наяўнасць выратавальнай камізэлькі, якая выратуе вам жыццё, калі вы акажацеся ў вадзе.

Андрэй БУРЭЦ.