22 июня 2015

Старшыня райвыканкама Мікалай Баговіч правеў сустрэчу з калектывам кансервавага завода

18 чэрвеня ў межах адзінага дня інфармавання насельніцтва старшыня райвыканкама М. І. Баговіч правёў сустрэчу з працоўным калектывам філіяла “Шаркаўшчынскі кансервавы завод” УП “Полацкая ўніверсальная база”. Асноўнай тэмай гутаркі стала сацыяльна-эканамічнае развіццё Рэспублікі Беларусь на сучасным этапе. У актавай зале прадпрыемства сабраліся рабочыя, спецыялісты і адміністрацыя завода.

Мікалай Ірынархавіч паведаміў прысутным патрабаванні і даручэнні Прэзідэнта краіны А. Г. Лукашэнкі, дадзеныя ім у час штогадовага Паслання беларускаму народу і Нацыянальнаму сходу, якія закранаюць стабільнае функцыянаванне сферы эканомікі.

У сваю чаргу, старшыня райвыканкама даручыў кіраўніцтву завода больш прадметна працаваць над пашырэннем асартыменту выпускаемай прадукцыі, павышэннем яе якасці, пошукам далейшых шляхоў рэалізацыі не толькі ў раёне і вобласці, але і за межамі рэгіёну.

Мікалай Ірынархавіч, карыстаючыся магчымасцю, запрасіў прысутных на штогадовае раённае свята “Прыдзісненскія крыніцы”, якое адбудзецца 28 чэрвеня ў гарпасёлку. Гэта дадатковая магчымасць для прадпрыемства прапанаваць насельніцтву сваю прадукцыю падчас працы гандлёвых радоў.

Сяргей РАЙЧОНАК