9 мая ў Шаркаўшчыне панавала ўрачыстая атмасфера. Прадстаўнікі працоўных калектываў, жыхары і госці гарадскога пасёлка а дзясятай гадзіны раніцы забраліся на плошчы Леніна, каб павіншаваць ветэраў і адзін аднаго з вялікім свята – Днем Перамогі. Напачатку гледачам быў прадстаўлены тэатралізаваны канцэрт “Хай будзе неба ясным над зямлёй”, у якім, як лента кінастужкі, былі паказаны розныя імгненні Вялікай Айчыннай вайны і свята Перамогі. Ветэранаў і ўсіх прысутных ад імя Шаркаўшчынскага райвыканкама павіншаваў старшыня Мікалай Ірынархавіч Баговіч. Са словамі віншавання таксама выступілі кавалер Ордэна Працоўнай Славы трох ступеняў Дабравольскі К.Д., прадстаўнік ГА “Беларускі саюз афіцэраў” Ан В.І., родная пляменніца загінуўшага воіна Панфілава Зінькевіч Л.Ф., першы сакратар Шаркаўшчынскага РК БРСМ Протас Ю.Л.

У рамках акцыі “Дзякуем, што да нас не даляцелі кулі” моладзь Шаркаўшчыны прыйшла з партрэтамі ветэранаў, сваіх родных і блізкіх, якія заваявалі мір на нашай зямлі. Пасля ўрачыстай клятвы маладога пакалення аб тым, што ніхто не будзе забыты і будзе зроблена ўсё магчымае, каб не паўтарыліся жахі вайны, прысутныя накіраваліся да брацкай маглы для ўскладання кветак і вянкоў у памяць аб загінулых. Свяшчэннаслужыцелі каталіцкай і праваслаўнай канфесій прачыталі малітвы і правялі асвячэнне магілы.

Пасля ўрачыстага мітынга адбыўся святочны канцэрт. Увечары ў раённым Цэнтры культуры быў паказаны спектакль па п’есе А.Дударава “Не пакідай мяне”. А на пляцоўцы ля Цэнтра культуры дзеці малявалі каляровай крэйдай сваю Радзіму. Завяршылася свята на адкрытай пляцоўцы канцэртам “Кветкі Перамогі”.