Меню
Председатель Шарковщинского районного исполнительного комитета
Приём обращений граждан и юридических лиц c 8.00
30 июля 2018
Усе сельгаспрадпрыемствы раёна прыступілі да ўборкі зерневых культур. У ААТ “Жвіранка” перад пачаткам уборачнай правялі традыцыйны для Беларусі абрад Зажынкі. Здаўна лічылася, што які будзе зажын, такімі стануць і Дажынкі.
Усе сельгаспрадпрыемствы раёна прыступілі да ўборкі зерневых культур. У ААТ “Жвіранка” перад пачаткам уборачнай правялі традыцыйны для Беларусі абрад Зажынкі. Здаўна лічылася, што які будзе зажын, такімі стануць і Дажынкі.
На поле за вёскай Яцкаўшчына да камбайнераў завіталі намеснік дырэктара гаспадаркі Ганна Бездзель, галоўны аграном Анатолій Заляціла, спецыялісты бухгалтэрыі і, канечне ж, самадзейныя артысты — удзельнікі народнага фальклорнага калектыву “Купалінка” Каўшэлеўскага дома фальклора.
Пад меладычныя гукі баяна работнікі культуры заспявалі жніўныя песні. Праз стылізаваную брамку, зробленую з ільняных ручнікоў, правялі пад рукі камбайнераў да хлебнай ніўкі, каб зажаць першыя снапы.
Спецыялісты бухгалтэрыі гаспадаркі давялі да ведама камбайнераў, вадзіцеляў і ўсіх, хто будзе заняты падчас уборачнай кампаніі, разлікі і налічэнне заработнай платы на жніве. Намеснік кіраўніка гаспадаркі па ідэалагічнай рабоце Ганна Бездзель пажадала працаўнікам высокіх намалотаў, плённай работы на ўборцы ўраджаю. Пасля слоў віншаванняў, пажаданняў плёну ў няпростай працы і песень камбайнеры завялі сваю магутную тэхніку і, не губляючы часу, рушылі па хлебнай ніве.
Сяргей РАЙЧОНАК