16 марта 2021

У межах грамадзянска-патрыятычнай акцыі «Мы — грамадзяне Беларусі!» шаркаўшчынскія школьнікі атрымалі свае першыя пашпарты

11 юнакоў і дзяўчат, навучэнцаў сярэдняй школы № 1, атрымалі свой галоўны дакумент – пашпарт грамадзяніна Рэспублікі Беларусь.

11 юнакоў і дзяўчат, навучэнцаў сярэдняй школы № 1, атрымалі свой галоўны дакумент – пашпарт грамадзяніна Рэспублікі Беларусь. Традыцыйная ўрачыстая цырымонія ўручэння прайшла 15 сакавіка ў навучальнай установе ў межах грамадзянска-патрыятычнай акцыі “Мы – грамадзяне Беларусі!” Дадзеная акцыя прызвана акцэнтаваць увагу на адной са знакавых падзей у жыцці кожнага чалавека, пасля якой 14-гадовыя юнакі і дзяўчаты становяцца паўнавартаснымі грамадзянамі роднай краіны.

На мерапрыемстве прысутнічалі начальнік аддзела ідэалагічнай работы, культуры і па справах моладзі райвыканкама Людміла Стома і старшы інспектар групы па грамадзянстве і міграцыі РАУС Таццяна Марозава.Пад гучныя апладысменты прысутных яны ўручылі дзецям пашпарты і кнігі-падарункі ад Прэзідэнта Рэспублікі Беларусь Аляксандра Лукашэнкі “Я — грамадзянін Рэспублікі Беларусь!”.

Юнакі і дзяўчаты перад прысутнымі ўрачыста пакляліся быць дастойнымі памяці дзядоў і прадзедаў, аддаваць свае веды і сілы на тое, каб стаць сапраўднымі гаспадарамі беларускай зямлі. З адказным словам ад маладых грамадзян выступіла вучаніца 8 “А” класа Анжаліка Марозава. Яна запэўніла прысутных у тым, што прадстаўнікі маладога пакалення будуць заўсёды з гонарам несці высокае званне грамадзяніна Рэспублікі Беларусь. Яны зробяць усё магчымае для шчаслівай будучыні нашай дзяржавы.

Сяргей РАЙЧОНАК.