27 марта 2015

У межах “Тыдня дзіцячай кнігі” прайшла сустрэча з дзіцячай пісьменніцай Ірынай Тарбецкай

З 23 па 30 сакавіка праходзіць “Тыдзень дзіцячай кнігі”. На пачатку тыдня дзіцячая бібліятэка прапанавала сваім чытачам разгорнутую выставу-прагляд творчасці дзіцячай пісьменніцы Ірыны Тарбецкай. Падчас сустрэчы з вучнямі 5—7 класаў і настаўнікамі з СШ № 1 Ірына Тарбецкая правяла літаратурныя гульні і конкурсы, нагадала дзяўчынкам і хлопчыкам пра беражлівыя адносіны да кнігі. Пісьменніца рассказала пра сваю творчасць, узгадала сваё першае выданне “Шаркаўшчынская палянка”. Юныя шаркаўчане ўзрушылі пісьменніцу да глыбіні душы — яны не толькі ўважліва слухалі, але і задавалі пытанні, актыўна ўдзельнічалі ў размове. Дзеці з задавальненнем слухалі і самі чыталі апавяданні пісьменніцы, адгадвалі загадкі. Напрыканцы сустрэчы кожны жадаючы падзяліўся сваімі ўражаннямі аб пачутым. Разам з пісьменніцай вучні пабывалі ў цікавым падарожжы па краіне казак і апавяданняў і пераканаліся, што ў творах Ірыны Тарбецкай шмат павучальнага, яны вучаць дабрыні, спагадзе і прыязнасці ў адносінах да людзей.