Меню
Председатель Шарковщинского районного исполнительного комитета
Приём обращений граждан и юридических лиц c 8.00
10 мая 2017
Юныя шаркаўчанкі Даша Касцюкевіч і Даша Райчонак сталі ўдзельніцамі міжнароднага фестывалю-конкурсу музычнай творчасці “Вечная слава героям”, які прайшоў у Мінску 28 красавіка.
Юныя шаркаўчанкі Даша Касцюкевіч і Даша Райчонак сталі ўдзельніцамі міжнароднага фестывалю-конкурсу музычнай творчасці “Вечная слава героям”, які прайшоў у Мінску 28 красавіка. 42 канкурсанты спаборнічалі ў жанры “вакальная творчасць”. Дзве Дашы спявалі ваеннае папуры і танцавалі пад мелодыю “Смуглянкі”. Цудоўнае выкананне нікога не пакінула раўнадушным у глядзельнай зале. Акрамя ўдзячных апладысментаў наш дуэт быў удастоены высокіх адзнак членаў журы. А гэта былі дзявяткі і дзясяткі.
Сярод членаў журы прысутнічала спявачка Улада, якая калісьці пачынала сваю песенную кар’еру ў складзе знакамітай групы “Верасы”. Яна таксама паставіла нашым дзяўчатам высокую адзнаку і падкрэсліла дастойны ўзровень падрыхтоўкі шаркаўшчынскіх артыстаў.
Такім чынам, Даша Касцюкевіч і Даша Райчонак па суме набраных балаў занялі другое месца. Гэта чарговая перамога, у тым ліку, і мастацкага кіраўніка калектыву Веры Мефодзьеўны Шуман, якая плённа працуе з дзецьмі.
Сяргей РАЙЧОНАК.