У панядзелак, 23 лютага, у гарадскім пасёлку адбыўся ўрачысты мітынг, прысвечаны Дню абаронцаў Айчыны і Узброеных сіл Рэспублікі Беларусь. Прадстаўнікі арганізацый, прадпрыемстваў і ўстаноў Шаркаўшчыны, якія ў гэты дзень прыйшлі на плошчу Леніна, ушанавалі светлую памяць тых, хто загінуў, абараняючы мір і незалежнасць нашай краіны. Удзельнікі мітынгу ўсклалі вянкі і кветкі да помніка загінуўшым у Вялікай Айчыннай вайне, хвілінай маўчання ўшанавалі памяць воінаў. Затым усе накіраваліся ў раённы Цэнтр культуры на святочны канцэрт, які падрыхтавалі ўдзельнікі вакальнага ансамбля “Каліна” Васюкоўскага СДК з нагоды 10-годдзя стварэння калектыву.

Сяргей РАЙЧОНАК.