Апошнім часам на тэрыторыі Беларусі ўсталявалася сухое, цёплае надвор’е. Гэта, у сваю чаргу, істотна паўплывала на пажаранебяспечнае становішча, асабліва ў лясах. Старшыня райвыканкама М. І. Баговіч падпісаў распараджэнне аб прыняцці мер у сувязі з пажаранебяспечным становішчам. У малой зале райвыканкама прайшло пасяджэнне раённага штаба пад кіраўніцтвам намесніка старшыні райвыканкама М. Г. Ясюкевіча, на якім былі ўзняты пытанні падрыхтаванасці арганізацый, устаноў і сельгаспрадпрыемстваў да ліквідацый узгаранняў. Кіраўнікам сельгаспрадпрыемстваў пастаўлена задача арганізаваць абкос пляцовак, дзе складзіруюцца грубыя кармы. Неабходна правесці абворванне сціртаў, якія знаходзяцца на ўскрайках палёў і каля аўтадарог. Такую ж работу трэба выканаць каля збожжаскладаў, месцаў, дзе захоўваюцца паліва і ўдабрэнні.

Раённай інспекцыі прыродных рэсурсаў і аховы навакольнага асяроддзя, а таксама ляснічым Полаўскага, Германавіцкага, Лужкаўскага, Новапагосцкага і Іёдскага лясніцтваў трэба кантраляваць тэрыторыю дзяржаўнага ляснога фонду падчас святочных і выхадных дзён.

Аляксандр БАРЫЛА