22 декабря 2017

Узнагароджаны прадстаўнікі ЦБУ № 224 ААТ “ААБ Беларусбанк”

Падчас сумеснага пасяджэння прэзідыўма Шаркаўшчынскага раённага Савета дэпутатаў і Шаркаўшчынскага раённага выканаўчага камітэта, якое прайшло 22 снежня, былі ўзнагароджаны банкаўскія работнікі.

Ганаровая грамата Віцебскага абласнога Савета дэпутатаў за шматгадовую добрасумленную працу, асабісты ўклад у сацыяльна-эканамічнае развіццё Віцебскай вобласці і актыўны ўдзел у грамадскім жыцці вобласці ўручана дырэктару ЦБУ № 224 ААТ “ААБ Беларусбанк” Галіне Іванаўне Бондар.

Галоўны спецыяліст сектара рознічнага і карпаратыўнага бізнесу дадзенай банкаўскай установы Святлана Вячаславаўна Рудак узнагароджана Ганаровай граматай Шаркаўшчынскага раённага Савета дэпутатаў за шматгадовую добрасумленную працу.

Ганаровая грамата Шаркаўшчынскага раённага выканаўчага камітэта за шматгадовую добрасумленную працу ў банкаўскай сістэме раёна ўручана галоўнаму спецыялісту сектара рознічнага і карпаратыўнага бізнесу ЦБУ № 224 ААТ “ААБ Беларусбанк” Анне Эдуардаўне Ракоца.

Сяргей РАЙЧОНАК