15 снежня, Шаркаўшчына /Уласн. інф./. Згодна з загадам Міністэрства па надзвычайных сітуацыях Рэспублікі Беларусь ад 21 лістапада 2014 года № 81 л/с за мужнасць і гераізм, праяўленыя пры выкананні службовага абавязку, Падзячным пісьмом за подпісам міністра па надзвычайных сітуацыях РБ У. А. Вашчанкі з уручэннем грашовых прэмій узнагароджаны начальнік каравула пажарнай аварыйна-выратавальнай часці № 1 Шаркаўшчынскага РАНС капітан унутранай службы Мікалай Маркушонак і камандзір аддзялення пажарнай аварыйна-выратавальнай часці № 1 Шаркаўшчынскага РАНС старшы сяржант унутранай службы Іван Зайцаў. Ганаровую місію ўзнагароджвання 11 снежня ў актавай зале Браслаўскага РАНС выканаў начальнік Віцебскага абласнога ўпраўлення па надзвычайных сітуацыях В. І. Чэкан. Васіль Іванавіч падзякаваў выратавальнікам за добрасумленныя адносіны да выканання сваіх службовых абавязкаў, высокую прафесійную падрыхтоўку і аператыўнасць пры ліквідацыі надзвычайных сітуацый. Сяргей РАЙЧОНАК.