19 студзеня на беразе Дзісны ў г.п.Шаркаўшчына адбылося Вадохрышча. Настаяцель царквы “Усіх Смуткуючых Радасць” Віктар Валашчук адслужыў малебен. Пасля гэтага ахвотныя маглі акунуцца ў асвечаную ваду. 49 чалавек, сярод якіх былі не толькі мужчыны, але і жанчыны, і нават дзеці, акунуліся ў святой вадзе. Падтрымаў купальшчыкаў і сам айцец Віктар. На свяце на беразе ракі працавала гандлёвая палатка, уздымалі настрой прысутным культработнікі.