24 декабря 2020

Віншаванне кіраўніцтва Шаркаўшчынскага раёна хрысціянам, якія святкуюць Нараджэнне Хрыстова 25 снежня

Паважаныя жыхары Шаркаўшчынскага раёна!

Шчыра віншуем вас з каталіцкімі Калядамі!

Віфлеемская зорка асвятляе нам шлях дабра і надзеі, вяртае нас да вытокаў духоўных традыцый, да высокіх хрысціянскіх ідэалаў.

Нараджэнне Хрыстова раскрывае нашы душы насустрач вечным каштоўнасцям дабра і міласэрнасці, пабуджае да маральнага ўдасканальвання, аб’ядноўвае сем’і, дапамагае асэнсаваць сваё жыццё, справы і ўчынкі.

Дарагія сябры! Асабліва важна сустракаць свята сярод родных і сяброў, забыць спрэчкі і крыўды, стаць бліжэй і даражэй адзін аднаму. Тады ў нашых дамах усталююцца згода, радасць і дастатак, будзе чуваць шчаслівы дзіцячы смех, а родная Беларусь застанецца мірнай і стабільнай.

Жадаем вам шчасця і дабрабыту, моцнага здароўя і ўпэўненасці ў будучыні.

Старшыня Шаркаўшчынскага раённага выканаўчага камітэта Д.М.Ламака

Старшыня Шаркаўшчынскага раённага Савета дэпутатаў У.С.Шпец