5 января 2017

Віншаванні работнікам сацыяльнай абароны

5 студзеня ў нашай краіне адзначаецца Дзень работнікаў сацыяльнай абароны. Прафесія гэта заключаецца не толькі ў аказанні дапамогі людзям, якія трапілі ў складаную жыццёвую сітуацыю. У першую чаргу, гэта прызванне, якое патрабуе добрага, спагадлівага сэрца, высакароднай душы і вялікага жадання падтрымліваць тых, хто ў гэтым мае патрэбу. Сёння ў Шаркаўшчынскім тэрытарыяльным Цэнтры сацыяльнага абслугоўвання насельніцтва з удзелам намесніка старшыні райвыканкама Ю.А.Васілеўскага прайшоў урачысты сход, на якім былі адзначаны лепшыя работнікі сацыяльнай абароны.