1 июня 2016

Візіт дэпутата Віцебскага абласнога Савета дэпутатаў

Дэпутат Віцебскага абласнога Савета дэпутатаў ад Шаркаўшчынскай выбарчай акругі, старшыня абласнога аб’яднання прафсаюзаў Іван Канстанцінавіч Вазміцель наведаў філіял “Шаркаўшчынскі кансервавы завод” КГУП “Полацкая ўніверсальная база”. Падчас візіту Іван Канстанцінавіч азнаёміўся з працэсам вытворчасці прадукцыі, шляхамі яе рэалізацыі. Дэпутат таксама цікавіўся вырашэннем праблемных пытанняў на прадпрыемстве. Разам са старшынёй раённага аб’яднання прафсаюзаў Ігарам Віктаравічам Малюгіным даведаўся, як прафкам арганізацыі дапамагае сваім работнікам у абароне іх правоў. У завяршэнні свайго візіту Іван Канстанцінавіч падзякаваў дырэктару завода Сяргею Мікалаеву Макаранку за сумленную працу ўсяго калектыву, пажадаў росту вытворчасці прадукцыі і яе канкурэнтназдольнасці на ўнутраным і знешнім рынках.

Сяргей РАЙЧОНАК