23 октября 2015

Жыццё на дарогах, жыццё за рулём

Сучасныя трасы літаральна перагружаны велізарнай колькасцю самага рознага транспарта і далёка не кожны чалавек у такіх умовах зможа працаваць вадзіцелем. Нягледзячы на сваю даступнасць і запатрабаванасць у грамадстве, прафесія гэта па-ранейшаму застаецца адной з самых складаных, адказных і небяспечных.

Многае пра асаблівасці “жыцця за рулём” можа расказаць вадзіцель з 32-гадовым стажам Віктар Станіслававіч Валеўка, які на працягу апошніх 11 год працуе ў ДБУ-26. Далёкія рэйсы для яго — справа звыклая, за суткі, у некаторыя дні, даводзіцца праехаць звыш 400 кіламетраў.

Напярэдадні Дня аўтамабіліста і дарожніка віншуем Віктара Станіслававіча і ўсіх яго калег з прафесійным святам і жадаем заўсёды выдатных дарог і цудоўнага настрою. Няхай праца прыносіць задавальненне, а ў асабістым жыцці з’явіцца яшчэ больш радасных дзён.

Вольга ЧАРНЯЎСКАЯ.