2024 для гандлёвай галіны з'яўляецца юбілейным. 28 ліпеня органам гандлю Беларусі спаўняецца 100 гадоў з дня іх утварэння.

Гандлёвая галіна - гэта вельмі важны і неад'емны складнік эканомікі, драйвер яе развіцця, ад стану якой залежаць якасць жыцця і настрой грамадзян Рэспублікі Беларусь. Сёння ў ёй працуе больш за 600 тысяч работнікаў з розных куткоў нашай краіны, якія, дзякуючы сваёй прадпрымальнасці, арганізатарскім здольнасцям, дзелавітасці, спрыяюць рашэнню важных сацыяльна-эканамічных задач: задавальненню патрэбнасцей насельніцтва Рэспублікі Беларусь у таварах і паслугах, удасканаленню абслугоўвання пакупнікоў, развіццю спажывецкага рынку шляхам укаранення сучасных, эфектыўных метадаў і фарматаў гандлю, рэалізацыі сацыяльных праектаў, а таксама ўмацаванню прэстыжу прафесіі.

Напярэдадні святкавання 100-гадовага юбілею органаў гандлю ў рэспубліцы пройдзе шэраг мерапрыемстваў, прысвечаных гісторыі ўтварэння беларускага гандлю, якія дэманструюць яе найбольш значныя дасягненні, а таксама ролю чалавека, які прысвяціў сваё прафесійнае жыццё працы ў гандлі.

26 ліпеня 2024 года ў Вялікай зале Палаца Рэспублікі адбудзецца рэспубліканскае ўрачыстае мерапрыемства, прысвечанае прафесійнаму святу "Дзень работнікаў гандлю".